ఒకే పాఠశాలలో 31 మంది విద్యార్థులకు కొవిడ్ సోకింది. వారిలో 10 మంది తల్లిదండ్రులకూ సోకడం ఆందోళన కలిగించే విషయం. ఇది తమిళనాడు రాష్ట్రంలో జరిగింది.
తమిళనాడు రాష్ట్రం ఆండిపట్టి జిల్లాలోని ఓ ప్రభుత్వ పాఠశాలలో కొవిడ్-19 పరీక్షలు నిర్వహించారు. వారిలో 31 మందికి కొవిడ్ నిర్ధారణ అయింది. వారి తల్లిదండ్రులను పరీక్షించగా 10 మందికి కొవిడ్ ఉన్నట్లు తేలింది.
ఈ మేరకు పాఠశాలను తాత్కాలికంగా మూసివేసినట్లు విద్యాశాఖ తెలిపింది. ఇప్పటికే పాఠశాలలో శానిటేషన్ చర్యలు చేపట్టారు. దీంతో ఆ రాష్ట్రంలో ఆందోళన నెలకొంది. తగు జాగ్రత్త చర్యలు చేపట్టాలని వైద్య శాఖ ప్రజలను కోరింది.
